Татарстан Эчке эшләр министрлыгының оператив хезмәткәре Рәдис Йосыпов мошенникларның кешеләр белән аралашканда кулланган сүзләрен атады.
Аның сүзләренчә, җинаятьчеләр еш кына: «Сезгә Украина гражданины исеменә ышаныч кәгазе рәсмиләштерелгән» һәм «Сезнең хисаптан террорчыларга акча күчерелгән», - диләр. Шулай ук «Безопасный счет», «Зеркальный кредит» һәм «Дистанционный обыск по телефону» сүзләре кулланыла.
Йосыпов ассызыклаганча, бу терминнарны мошенниклар үзләре уйлап чыгарган. Полиция һәм башка ведомстволар хезмәткәрләре беркайчан да мондый сүзләрне кулланмый. Беркем дә видеоэлемтә буенча тентүләр үткәрми. Ышандырырлык булсын өчен җинаятьчеләр ялган документларны тәкъдим итә, гәрчә аларның моны эшләргә хокукы булмаса да. Көч структуралары хезмәткәрләренә гражданнар белән мессенджерлар аша аралашу тыела.
Нет комментариев