Казан спонтан сәяхәтләр өчен иң популяр шәһәрләр арасында
10 апреля 2026 - 10:43
Объективта – шигъри кыллар
9 апреля 2026 - 12:33
Казанда Габдулла Тукай исемендәге дәүләт премиясенә дәгъва итүче кандидатларны тәкъдим иттеләр
9 апреля 2026 - 11:45
«Яз гүзәле – 2026» исеменә кем лаек булды? – репортаж
8 апреля 2026 - 17:32
«Бәләкәй чакта күрше малаена тере бака сатып, туңдырма алдым» – Тәүге хезмәт хакы кадере
8 апреля 2026 - 15:48
Казанда кайсы һөнәр ияләренә күпме хезмәт хакы тәкъдим итүләрен тикшергәннәр
8 апреля 2026 - 15:20
Татарстанда меңләгән мәйданчыкта «Тоталь диктант» узачак
8 апреля 2026 - 13:42
Казанда яңа академия шәһәрчеге барлыкка килергә мөмкин
8 апреля 2026 - 13:39
Казанда яңа аттракционнар паркы төзеләчәк
8 апреля 2026 - 13:29

Яшь әниләр нинди китап укый? – сораштыру

15 февраля 2026 - 10:40 Автор:

ТаңЧулпан

«Укыйбызмы?» сәхифәсендә яшь әниләр яңа «һөнәрләрендә» булышкан китаплары белән бүлеште.

(«Миңа кызык түгел» дип үтеп китмә, үзең әни/әти булгач, исеңә төшәр әле!)

Илсөяр Гобәйдуллина, укытучы-тәрбияче, 28 яшь:

Мин беренче тапкыр әни булырга әзерләнәм. Карина Бондаренко, Павел Кузнецов һәм Лела Джохадзе авторлыгындагы «Беременность» дип исемләнгән китапта йөклелек вакытында барлыкка килә торган күп кенә сорауларга җаваплар бар. Монда тапшырырга кирәкле барлык анализлар һәм аларның аңлатмалары язылган. Шулай ук, норма булсынмы ул яки табибка мөрәҗәгать итәргә сәбәпме – йөклелек барышындагы мөмкин авыртуларның барлык симптомнары да тәфсилләп язылган.

Карина Бондаренко, Павел Кузнецов, Лела Джохадзе «Беременность», 18+ Бу китап йөклелек чорына багышланган, һәм бу авыру түгел, ә хатын-кыз тормышындагы үзенчәлекле чор дип аңлатыла. Ул булачак әниләргә күп санлы имеш-мимешләр һәм артык диагнозлардан арынырга ярдәм итә. Шул ук вакытта табибларны да кирәкмәгән дарулар һәм тикшеренүләр билгеләүдән качарга өнди. Китап гади укучыга да, табибларга да аңлаешлы итеп язылган һәм йөклелеккә җаваплы караш формалаштыра.

Эльина Сәхәбиева, биология һәм география укытучысы, 24 яшь:

Әни булу – зур жаваплылык, беренче тапкыр әни булу – аеруча. Мин бу җаваплы адым алдыннан барысын да өйрәнергә булдым. Әниләр бер-берсе белән сөйләшкәндә, балаларының ничә айда үрмәли башлавы, аякка басуы, йөреп китүе турында уртаклашырга яраталар. Бала ничә айда әйләнергә тиеш, ничә айда үрмәли башлау норма, аңа йөреп китәр өчен әнисе ничек булыша ала – барлык сорауларга җавапны Галина ЛупандинаБолотова «Сидеть, ползать, ходить» китабында яза.

Галина Лупандина-Болотова «Сидеть, ползать, ходить» 0+ Китапта сабыйларның туганнан алып бер яшькә кадәрге хәрәкәт үсешенең һәр этабы аңлатыла. Ул әти-әниләргә баланың табигый үсешен аңларга, ашыкмаска һәм балага артык ярдәм итмәскә кирәклеген искә төшерә. Кайберәүләр автор телен бераз фәнни дип тапса да, ул яшь әниләрнең борчуларын басарга һәм баланың табигый үсешен күзәтергә кирәклеген ассызыклый.

Алсу Әбүзәрова, медиа белгече, 29 яшь:

Йөклелек чорында ук улыма татарча һәм русча бишек җырлары җырлый идем. Хәзер улыма 7 ай. Сөйләшә башлаганда ук әз һәм авыр сөйләшү очраклары, балаларда сөйләм үстерү проблемасы арта баруына игътибар иттем. Шуңа күрә логопедларга, дефектологларга йөри башлыйлар. Мин хәзердән үк улымның сөйләме белән эшли башладым. «Я говорю!» китабы миңа бик булыша. Төрле күнегүләр белән авазларны дөрес әйтергә өйрәнәбез.

Елена Молчанова «Я говорю!» 0+ Бу китап сабыйларга тел «ачу» һәм дөньяны өйрәнү өчен менә дигән кулланма. Аның төп герое – Нина исемле маймыл, ул балаларны тән өлешләре исемнәренә, гади хәрәкәтләргә (кул чабу, йөгерү һ.б.) өйрәтә. Китап уен рәвешендә язылган. Ата-аналарга дәресләрне ничек үткәрергә икәне дә аңлатылган. Ул нәниләрдә бармак белән күрсәтү, авазлар әйтү кебек күнекмәләрне үстерә.

Таңсылу Фәйзрахманова, башлангыч сыйныфлар укытучысы, 27 яшь:

Мин күптән түгел әни булдым. Тормышымның асты-өскә килде дисәм дә ялгыш булмас. Яңа яшәү шартларына ияләшү бик җиңел түгел. Барлык яшь әниләргә Анастасия Изюмская һәм Анна Куусмааның «Мама на нуле. Путеводитель по родительскому выгоранию» китабын укырга киңәш итәр идем. Аны укыганда үзеңне иң якын дус кызың белән сөйләшкәндәй хис итәсең. Китапта синең кебек үк әниләр үзләренең бала тәрбияләү тәҗрибәсе белән уртаклаша. Авырлыкларны, нык аруны, үзеңне гел гаепле санауны ничек җиңәргә дип баш ватучы әниләргә әлеге китап ярдәм итәчәк.

Анастасия Изюмская һәм Анна Куусмаа «Мама на нуле. Путеводитель по родительскому выгоранию» 16+ Китап яшь әниләрдә килеп чыккан «яну» халәтенә багышланган. Ул эмоциональ ярдәм күрсәтеп, аналарның бу авырлыкта ялгыз түгеллеген аңларга булыша. Аеруча «бейбиблюз» кичерүчеләр өчен мөһим. Кайбер укучылар анда практик чишелешләр җитәрлек түгел дип билгеләп үтсә дә, китап авыр вакытны кичерергә ярдәм итә.

Альбина Сәетова, җырчы, педагог, 23 яшь:

Баланы күбрәк әти-әни сүзен тыңлаштырып, ләкин күңел ничек сизә, шулай итеп, үземчә тәрбиялим. Тик нәкъ тә менә кыз баланы кечкенәдән психологик яктан ничек тәрбияләү, күбрәк әти белән кыз бала арасындагы мөнәсәбәтләр хакында, аларның кечкенәдән алып үсеп җиткәнчегә кадәр нинди бәйләнештә булулары хакында барысы да язылган китап бар. Марк Бартонның «Девочка. Девушка. Женщина» китабы ул. Бик кызыклы китап. Мин анда үземне таптым. Һәм һәр хатын-кыз, ана кеше анда үзен табачак дип уйлыйм.

Марк Бартон «Девочка. Девушка. Женщина» 16+ Марк Бартонның «Девочка. Девушка. Женщина» китабы хатын-кызларның тормышында килеп чыккан проблемаларның, шул исәптән шәхси чикләрнең бозылуы һәм мөнәсәбәтләрдәге кыенлыкларның балачактан килгән тамырларын тикшерә. Гади, аңлаешлы телдә язылган кулланма укучыны үз-үзен аңларга, тискәре хисләрдән арынырга һәм үзен яратырга, кадерләргә өйрәтә.

Алинә Гыймалтдинова, җәмәгать эшлеклесе, блогер, 36 яшь:

Анна Быкованың «Как стать ленивой мамой» китабы – балаларның мөстәкыйльлеген максат итеп куйган «тревожный» аналар өчен яхшы китап. Гомумән алганда, мин балаларны тәрбияләүгә һәм үстерүгә реаль караш яклы, һәм бу китап нәкъ менә шул хакта. Күңелем белән мин ялкау әни. Китаптан да үзем өчен ярдәм һәм барысын да дөрес эшлим икән дигән хуплау таптым. Китапта тере мисаллар булуы да минем өчен мөһим.

Анна Быкова «Как стать ленивой мамой» 16+ Китапта ата-аналарга балаларында мөстәкыйльлек тәрбияләүнең гади, әмма бик нәтиҗәле юллары күрсәтелә. Автор – тәҗрибәле психолог һәм педагог. Ул балаларны үз эшләрендә ирекле булырга өйрәтү принцибына нигезләнә һәм артык кайгыртмаска киңәш итә. Китап яшь ата-аналарга да, инде зуррак баласы булганнарга да файдалы, чөнки «ялкау әни» концепциясе аша мөһим тәрбия бирү юлларын ача.