Аккордлар: ярату җырлары

«Яратыгыз»

Роберт Миңнуллин сүзләре, Резеда Әхиярова музыкасы

Роберт Миңнуллин белән Резеда Әхиярова әлеге җырны махсус Венера Ганиева өчен, концертны тәмамлый торган җыр буларак язган булган. Бу җырга инде кырык ел, аны бик күп җырчылар, коллективлар башкара, һәм, гадәттә, аны концертларның азагына куялар. Шулай ук бу җыр – яшьләрнең гитарада уйнап башкара торган җыры.

C                    G     C
Яратырга килдек без бу җиргә,
Fadd9        G       C
Яратмаган йөрәк яналмый;
C                  E7     Am
Яратмаган йөрәк – йөрәк түгел,
F                 E7     Am
Яналмаган йөрәк кирәк түгел, –
Fadd9       G       C
Яратмыйча безгә ярамый.
C         G        C
Яратыгыз туган илебезне,
C          E7       Am
Яратыгыз туган телебезне,
Dm          E7 Am
Бернигә дә карамый, –
Fadd9         G       C
Мәхәббәтсез яшәү ярамый!

«Ярату»

Taraf төркеме Төркемнең 2019 елгы беренче альбомнарына кергән иң популяр җырларның берсе. Нияз Мөбарәкҗан сүзләре, Булат Шәймиев һәм Нияз Мөбарәкҗан көе. Җырда егетләрнең тавышыннан кала безнең шеф-редакторыбыз Гүзәл Закирова тавышын да ишетәсез. 

C      G     Am        F
Күзләрең ямансу...
C      G     Am       
Әйтәсең: «Яратам!»
Am    F              C       
Шул ук вакытта: «Күралмыйм!»
C       G        Am      F       
Мине кочасың, аннан соң
C       G        Am      F       
Этәрәсең, мин аңлыйм...
C            G          Am        F       
Яратмыйм, яратам, яратмыйм, яратам (х2)
C      G     Am        F
Хәтфә басуларда
C      G     Am                      F             C
Ефәк күлмәк кигәнсең, кагылмыйча яратам.
C       G        Am      F        
Куркытмаска хисләрне –
С           G                    C
Вакыт бар атканчы таң!
C            G          Am        F      
Яратмыйм, яратам, яратмыйм, яратам (х2)