Рәйсә Абдуллина шигыре
Синең коңгырт күзләреңнән
Ямьле җылы коела,
Каһвә ачысына нурлар
Кушкан сыман тоела.
Ялгыз яккан учагымны
Җил явыз өреп күмә.
Ерткыч телле чаткылары
Синең җылыңнан сүнә.
Минем шыксыз җиһанымны,
Рәхмәт бизәгәнеңә,
Җанда «нурлы каһвәнең»
Җитмәгәнен сизгәнгә.
Зәңгәр күзләр белән капшыйм,
Ялтыравык галәмне,
Бары синең карашыңнан,
Кулга алдым каләмне.
Нет комментариев