Казанның «Ак Барс» көрәш сараенда БРИКС илләре уеннары кысаларында көрәш буенча ярыш узачак.
Ярышлар 21 июнь көнне 9:00дә башлана. 15:30дан финал алышлары һәм бүләкләү тантанасы көтелә. Ун үлчәү авырлыгында 27 илдән килгән спортчылар бил алышачак.
Россия җыелма командасын тәкъдим итәчәк Татарстан көрәшчеләре: 60 кг авырлыкта Алексей Абрамов, 70 кг да Ислам Фәләхов, 75 кг да Динар Кәримуллин, 85 кг да Ранис Галимуллин, 90 кг да Азат Габдрәшитов, 100 кг да Руслан Рәфыйков, 130 кг да Радик Сәлахов, 130 кг нан югары авырлыкта – Ранис Гыйләҗетдинов.
Шулай ук, Россия данын 65 кг авырлыкта Ульяновскидан Артур Хәкимов һәм 80 кг авырлыкта Башкортстаннан Артур Зөлкәрнәев яклаячак.
чыганак: Татар-информ
тышлыктагы фото: Владимир Васильев
Нет комментариев