Бүген, 25 июньдә, «Алтын каләм – Золотое перо» республика яшүсмерләр һәм яшьләр матбугаты фестиваленең ябылу тантанасында 8 юнәлеш буенча җиңүчеләр, махсус номинацияләр ияләре һәм фестивальнең Гран-при иясе игълан ителде.
Быел катнашучылар өчен медиа өлкә вәкилләре белән очрашу, лекцияләргә бай программа әзерләнгән иде. Мисал өчен, спикерлардан – ТР матбугат хезмәте җитәкчесе Лилия Галимова, теле-радиотапшырулар алып баручы Гөлназ Сәфәрова һәм башкалар катнашты.
Фестивальнең төп максаты булып журналистик материал, продукт булдыру тора. Шулай итеп, катнашучылар фестиваль дәвамында журнал чыгардылар, телевизион программалар әзерләделәр, туры эфирларга чыктылар, подкаст яздырдылар, SMM юнәлешендә фестиваль эшчәнлеген яктырттылар.
Фестивальнең Гран-при ияләре белән танышыйк!
Тыринова Арина Валерьевна (Казан)
Зыязетдинова Адилә Хатыйп кызы (Актаныш)
Мөхетдинов Әнвәр Рамил улы (Арча)
Фестивальгә бәйле күбрәк яңалыклар сайтта урын алачак, безне күзәтеп барыгыз!
Нет комментариев