Киләсе ялларда Болгарда «Изге Болгар җыены» тантаналы чарасы узачак.
Быел бәйрәм «Россия – Ислам дөньясы: KazanForum» мәдәни программасы кысаларында оештырыла. Ул 19 май көне узачак.
«Изге Болгар җыены»ның төп яңалыгы – биредә Хаҗга ике кешелек өч юллама уйнатачаклар. Юлламалар уйнатуда катнашуның төп шарты - Болгар җыенына гаилә белән килү.
Юлламалар уйнатуда катнашу өчен гаилә парларына 8:00 сәгатьтән 12:00 сәгатькә кадәр теркәлергә һәм махсус билет алырга кирәк булачак. Бу турыда үз телеграм каналында Камил хәзрәт Сәмигуллин язып чыккан.
Нет комментариев