Балбаллар - мең еллар далаларда хәтер саклап торган таш сыннар. Аларның кайчан һәм ни өчен ясалганын әйтү кыен. Тик серле сыннарның бабаларыбызның җанын сакла торалар дигән фараз бар.
«Үлемне фаҗига итеп кабул итәбез. Балбаллар тарихын өйрәнгәннән соң безнең бабалар үлемне киресенчә кабул иткәннәрдер дигән фикер килде. Мине балбаллар турында бу версия илһамландырды. Үлемгә башка төрле мөнәсәбәтне, мәҗлес аша әрвахлар белән элемтә коруны күрсәтәсем килде», – ди спектакль турында режиссер Нурбәк Батулла.
«Balballar»ны Камал театрының универсаль залында 19:00 дә 5 и 6 февраль көннәрендә карап булачак.
Хореограф – Нурбәк Батулла, композитор – Ислам Вәлиев, скульптор – Әлфиз Сабиров. Ут буенча рәссам – Эмиль Авраменко. Костюмнар буенча рәссам - Алиса Гулканян.
«Балбаллар» быел беренче тапкыр Әлмәттә узган «Аваздаш» фестивалендә куелган иде. Фестиваль һәс сектакль турында монда укы.
Нет комментариев