Героебыз – укытучы, бәйрәмнәр алып баручы һәм блогер Айгөл Хәмәтвәлиева.
Балык Бистәсе безне суык һава торышы белән каршы алды. Традицияне бозмыйча иң элек район базарына юл тоттык. Спойлер: базарда тулаем съемка алып барырга рөхсәт бирмәүләре сәбәпле, без аның бер өлешенә генә күзәтү ясый алдык. Актуаль фасоннарны табу монда кыен, әмма алар сатуда бар.
Икенче ноктабыз – халыкта «Әлфинур апа кибете» дип йөртелгән кием кибете. Ассортиментта ир-ат һәм хатын кыз киемнәре генә түгел, шулай ук балалар өчен дә позицияләр тәкъдим ителә. Өченче нокта – «Горячий хлеб» сәүдә үзәге.
Биредә классик пиджак һәм чалбарлар байтак. Дүртенче нокта – «Модница» хатын-кыз киеме кибете. Нәкъ менә биредә стильле образларны туплап, Айгөлне киендердек. Тапшыруда эксперимент ясап карарга булдык: бер образны героиня үзе, ә калган икесен стилист сайлады.
Айгөл Хәмәтвәлиева:
– Минем гардеробымда караңгы төсләр табып булмый диярлек: ачык төсләр (кызыл, ал, фуксия, ак, кишер төсе) беренче урында. Стилист сайлаган образлар күңелемә хуш килде. Беренче образда кызыл һәм соры төсләрнең килешүен ошаттым. Мин болай урамга, яр буена йөрергә чыгар идем. Көз өчен менә дигән! Шакмаклы итәкне килешмәс дип куркып кына кидем башта. Нәтиҗәдә ул мине башкачарак күрсәтте, ошаттым. Бу образ укытырга, очрашуларга барыр өчен кулай.
Исмаил Сафиулов, стилист:
– Балык Бистәсенең кием кибетләрендә, яңа уку елына әзерлек башлану сәбәпле, мәктәп формалары күп тәкъдим ителгән. Ә безгә стильле образларны табу кирәк бит. Әлеге бурычны 100% үтәдек дип саныйм. Айгөлдән энергия бөркелгәне аның көндәлек образларыннан да күренеп тора. Ә минем аны эшлекле «леди» буларак күрсәтәсем килде.
Нет комментариев