2025 ел күзәтүләр тарихында иң эссе бишлеккә керәчәк.
Аномаль җылылык аркасында җылыту сезоны, мөгаен, Татарстанда гадәти сроклардан иртәрәк тәмамланыр. Киләсе җәй төбәктә эссе булыр дип көтелә. Бу хакта Россия һәм Татарстан Гидрометеорология үзәкләре синоптиклары «Татар-информ»га сөйләгән.
Алар әйтүенчә, 2024 елның июнендә үк килгән аномаль җылылык Татарстаннан китәргә һич тә теләми. Кыска һәм аз карлы кыштан соң иртә яз килде. Мартта температура берьюлы биш җылы рекорд куйды, кар тиз эреде, вакытыннан алда су ташу башланды. Россия Гидрометүзәге фаразлавынча, алдагы алты айда «җылы тренд» сакланачак.
- Татарстанда вегетация чорында һава температурасы нормадан бер градуска югарырак, ә сентябрьдә бер градустан югарырак булыр дип көтелә. Явым – төшем норма чикләрендә көтелә, – диде Феликс Гоголь.
Нет комментариев