Кышны көтеп ардыгызмы инде?
Ул бик тиздән килеп җитәр, әмма әлегә һава торышы сизелерлек начараерга мөмкин дигән фаразлар бар. Бу хакта Татарстан Гидрометеорология һәм әйләнә-тирә мохитне күзәтү үзәге кисәтә
Бүген кич һәм иртәгә көн дәвамында Татарстанда атмосфера фронты тәэсирендә һава шартларының сизелерлек начараюы фаразлана. Бүген төнлә һәм сишәмбе көндез республика территориясендә урыны белән бозлавык булуы ихтимал, буран көтелә, күз күреме 1000 метрдан кимрәк булачак. Шулай ук көчле җил фаразлана, аның тизлеге секундына 16 метрга кадәр җитәчәк.
Бу вакытта төбәк юлларында кар көртләре һәм бозлавык барлыкка килә. Моннан тыш, 9 декабрь кичендә һәм 10 декабрь төнендә Татарстанда күпләп кар явачак, дип яза «Татар-информ».
Нет комментариев