Кичә, Халыкара театр көнендә, Камал театрының яңа бинасында «Тантана» театр премиясе тапшырылды.
ТР Мәдәният министрлыгының «Тантана» профессиональ премиясе, 2011 елдан, театр сәнгате өлкәсендә иҗади һәм иҗтимагый казанышлары өчен бирелә. Аның максаты булып – Татарстандагы театр сәнгатенә дәүләт тарафыннан ярдәм итү тора. Шулай итеп, кичә театр бинасы чын-чынлап сәнгать мохитенә чумды. Чара дүрт сәгатькә якын барды, аны Татарстанның атказанган артисты Рамил Вәҗиев һәм Татарстанның халык артисты Искәндәр Хәйруллин алып барды.
Җиңүчеләр
Премиягә Татарстан театрларыннан 73 спектакль тәкъдим ителгән, 37се сайланган. Ә номинацияләр саны 17 иде.
«Дебют» – Илназ Шакирҗанов (Әтнә театрының «Тәкъдим» спектаклендә Ломов роле өчен) һәм Эльмира Минһаҗева (Яшел Үзән музыка театрының «Мертвые души» лайт-операсында Лизонька роле өчен).
«Иң яхшы эпизодик роль» – Рафыйк Каюмов (А. Гыйләҗев исемендәге Чаллы драма театрының «Без 41 ел балалары» спектаклендә Гайфи роле өчен)
«Иң яхшы курчак театры актеры» — Эльвира Гыйлемханова («Әкият» Татар дәүләт курчак театрының «Ана кыры»спектаклендә Әни (тавыш) роле өчен).
«Икенче пландагы иң яхшы хатын-кыз роле» – Альбина Гайзуллина (Г. Кариев исемендәге Казан Татар дәүләт яшь тамашачы театрының «Куркак батыр» спектаклендә Әни роле өчен).
«Икенче пландагы иң яхшы ир-ат роле» – Илфат Әскәров (А. Гыйләҗев исемендәге Чаллы татар дәүләт драма театрының « Без 41нче ел балалар» спектаклендә Хәлил Фәтхи улы роле өчен).
«Музыкаль спектакльдә иң яхшы роль» (опера, музыкаль спектакль, мюзикл) – Венера Протасова (М.Җәлил исемендәге Татар дәүләт академия опера һәм балет театрының «Кармен» операсында Микаэла роле өчен).
«Музыкаль спектакльдә иң яхшы роль» (балет, заманча хореография, пластик спектакль) – Михаил Тимаев (М.Җәлил исемендәге Татар дәүләт академия опера һәм балет театрының «Грек Зорба» спектаклендә Грек зорба роле өчен). һәм Мария һәм Марсель Нуриевлар «Живой город» заманча сәнгатькә ярдәм фонды «MOÑ» театр мәйданчыгының «Soul Kitchen» спектакле өчен).
«Иң яхшы хатын-кыз роле» – Ләйсән Гатауллина («Әлфия Авзалова. Мәңгелек юл» спектаклендә Әлфия роле өчен) һәм Резедә Сәләхова (К.Тинчурин исемендәге Татар дәүләт драма һәм комедия театрының «Туган-тумача» спектаклендә Шәрифә роле өчен).
«Иң яхшы ир-ат роле» – Эмиль Талипов (Г. Камал исемендәге Татар дәүләт академия театрының «Казанга Тукай кайткан"» спектаклендә Габдулла Тукай роле өчен).
«Актерлар ансамбле» – «Живой город» заманча сәнгатькә ярдәм фондының «MOÑ» театр мәйданчыгының «Картотека» спектакле.
«Балалар өчен иң яхшы спектакль» – Яр Чаллы дәүләт курчак театрының «Господин Скороход» спектакле.
«Кече формадагы иң яхшы спектакль» – Г.Камал исемендәге Татар дәүләт академия театрының «Казанга Тукай кайткан» спектакле.
«Иң яхшы зур формалы спектакль» – «Әкият» Татар дәүләт курчак театрының «Материнское поле» спектакле.
«Иң яхшы музыкаль спектакль» – М.Җәлил исемендәге Татар дәүләт академия опера һәм балет театрының «Грек Зорба» спектакле.
«Эксперимент» – Әлмәт татар дәүләт драма театрының «Йорт» спектакле һәм Түбән Кама шәһәренең яшь тамашачы театрының «Гробовщик» спектакле.
«Намус һәм тугрылык» – Хәлимә Искәндәрова (Г.Камал исемендәге Татар дәүләт академия театры).
«Сезонда күренекле казанышлар өчен» – Сергей Рябинин («Әкият» Татар дәүләт курчак театрының баш рәссамы).
Күпьеллык нәтиҗәле иҗади хезмәте һәм мәдәният һәм сәнгать үсешенә зур өлеше өчен Дамир Сираҗиев исемендәге иҗтимагый премия:
Миләүшә Нәҗмиева (К.Тинчурин исемендәге Татар дәүләт драма һәм комедия театры артисты).
Рузилә Мөхәммәтова («Татар-информ» журналисты).
Алексей Зильбер (Казан Татар дәүләт яшь тамашачы театры артисты).
Махсус бүләккә ия булучылар
«Россия Федерациясе Театр эшлеклеләре берлеге» — Олег Кинҗәгулов (А.Гыйләҗев исемендәге Чаллы драма театрының сәнгать җитәкчесе).
«Сәхнә» журналының махсус бүләге – Руфинә Хәмәтдинова (Буа дәүләт драма театрының «Баязитов» спектаклендә Баязитова роле өчен).
«Казан» журналының махсус бүләге – Ләйсән Хәбибуллина (А.Баталов исемендәге Бөгелмә дәүләт драма театрының «Варшава көе» спектаклендә Гелена роле өчен).
«Бердәм Россия» партиясенең «Кече Ватан мәдәнияте» федераль проектының махсус бүләге – Г. Кариев исемендәге Казан Татар дәүләт яшь тамашачы театрының «Куркак батыр» спектакле.
«Бердәм Россия» партиясенең «Кече Ватан мәдәнияте» федераль проектының («Кече шәһәр театрлары» юнәлеше) – Т. Миңнуллин исемендәге Түбән Кама дәүләт татар драма театрының «Әниләр һәм бәбиләр» спектакле.
Яшьләрне патриотик тәрбияләгән өчен Татарстан Республикасы Мәдәният министрлыгының махсус бүләге – Казан дәүләт яшь тамашачы театрының «Просто жить» спектакле.
Татарстан Республикасы Милли музееның махсус бүләге – Гыйләҗев исемендәге Яр Чаллы дәүләт татар драма театрының «Хәл бу ки...» шигъри-документаль куелышлар сериясе.
Татарстан Республикасы Казан Шәһәре Мэриясенең махсус призы – «Живой город» заманча сәнгатькә ярдәм фондының «Демидов йорты» театр резиденциясенең «Табу» спектакле.
Бөтендөнья татар конгрессының махсус бүләге – Казан шәһәр филармониясенең «Йосыф–Зөләйха» спектакле.
Татарстан Республикасы Рәисе каршындагы Мәдәниятне үстерүгә ярдәм фондының традицияләргә тугрылык, Татарстан Республикасының Милли музыкаль мирасын саклап калу һәм популярлаштыру өчен махсус бүләге – Әлфия Айдарская.
фото: Владимир Васильев, Татар-информ
Нет комментариев