Быел Татарстанда метеорологик җәй гадәттәгедән атна ярымга иртәрәк киләчәк.
Бу хакта «Татар-информ»га «Метео» фаразлау үзәге җитәкчесе Александр Шувалов хәбәр иткән.
Татарстанда уңай уртача айлык температура аномалиясе 2024 елның июненнән бирле күзәтелә.
Шувалов билгеләп үткәнчә, плюс 15 градустан узу климатик сроклардан атна ярымга иртәрәк була.
- Майның беренче яртысында. Май башында ук уртача тәүлеклек температура плюс 15 градустан үзып китәр, дип уйлыйм. Әмма вакытлыча, ике-өч көнгә, яңадан суыту күзәтелергә мөмкин әле, - дигән ул.
Һава торышы аномаль булуның сәбәбе – көньяк-көнбатыштан һәм көньяктан һава массалары күчеп килүенә бәйле. Әлеге күренеш нәтиҗәсендә Балкан һәм Кара диңгездән һава массалары Россиянең Европа өлешенең урта полосасына күчеп килә.
Нет комментариев