Бүген «Корстон» мәдәният үзәгендә Татарстан Язучылар берлеге рәисен сайладылар.
Татарстан Республикасы Дәүләт Советы депутаты, Халык язучысы Ркаил Зәйдулла икенче срокка Татарстан Язучылар берлеге рәисе итеп сайланды. Корылтайда рәислеккә кандидат итеп 3 язучы – Ркаил Зәйдулла, Хәбир Ибраһим һәм Рәмис Аймәт тәкъдим ителгән иде. Рәмис Аймәт үз теләге белән сайлаудан кандидатурасын кире алды.
«Интертат» хәбәр иткәнчә, Татарстан Язучылар берлеге корылтаенда аның өчен 167 язучы тавыш биргән. Тагын бер кандидат Хәбир Ибраһим өчен 20 язучы тавыш бирде. 7 бюллетень бозык дип табылган.
Нет комментариев