Кемгә карбыз ашарга ярамый? - табиб киңәше

Карбыз – җәйге эсседә сусауны баса торган тәмле ризык кына түгел, ә иммунитетны ныгытуга ярдәм итүче файдалы җимеш тә. Аның составында С витамины һәм В төркеме витаминнары бар. Алар организмның табигый саклану көчләрен активлаштырырга ярдәм итә.

• икенче типтагы шикәр диабеты;
• панкреатит;
• колит;
• ашказаны җәрәхәте;
• кислоталылыгы югары булган гастрит;
• йөрәк җитешсезлеге.

Белгечләр карбыз ашаганда аеруча сак булырга киңәш итә. Тәүлегенә 100–200 грамм белән чикләнергә кирәк. Табиблар шулай ук түбәндәге очракларда карбыз ашамаска киңәш итә:

* Фруктозаны үзләштерә алмаганда – карбыз күңел болгануга, эчтә газ җыелуга һәм эч китүгә китерергә мөмкин.
* Бөер авырулары вакытында – составында су күп булу бәвел бүлеп чыгару системасына өстәмә йөкләнеш тудыра.
* Өч яшькә кадәрге балаларга – аларның ашказаны-эчәк системасы әле шикәр һәм клетчатканың мондый күләмен эшкәртергә әзер түгел. Моннан тыш, карбыз еш кына аллергия китереп чыгарырга мөмкин.