Киләсе елда хезмәт хакы күпме булачак?

Белгечләр фаразлары буенча, илдә уртача хезмәт хакы 2026 елда 118-120 мең сумга кадәр артачак. 

Бу саннарны хөкүмәт каршындагы Финуниверситет кафедрасы доценты Игорь Балынин җиткерде.

- Сүз инфляция аркасында хезмәт хакларының номиналь үсеше турында гына бармый — керемнәр реаль чагылышта да артачак, ягъни россиялеләрнең сатып алу сәләте чыннан да үсәчәк, – дигән ул.

Балынин хезмәт хакын үстерә торган ике төп факторны аерып чыгара. Беренчесе — бөтен базарны үз артыннан тарта торган хезмәт өчен түләүнең минималь күләмен арттыру. Икенчесе — квалификацияле кадрлар җитмәү, аның аркасында эш бирүчеләр, яхшы белгечләрне җәлеп итү һәм тотып тору өчен, җәлеп итүчән шартлар тәкъдим итәргә мәҗбүр, диелә хәбәрдә.

чыганак: Татар-информ