Акчаны янга калдыруның биш ысулы белән җәмәгать эшлеклесе, торак-коммуналь хуҗалык буенча эксперт Дмитрий Бондарь бүлешкән.
Ул иң кулай ысул дип су чыгымын киметүне атаган.
Теш чистартканда, кулларны юганда, душ кергәндә яки савыт-саба юганда кранны ябып торсаң, су күбрәк экономияләнәчәк. Эксперт исәпләвенчә, мондый гамәлләр көненә дистәләгән литрны янга калдырачак.
Суны янга калдыруның тагын бер ысулы – ванна урынына душ керү. Бу су процедурасыннан 105 литрдан 125 литрга кадәр экономияләргә ярдәм итәчәк, дип саный Бондарь.
Шулай ук торак-коммуналь хезмәтләр өчен счетларда экономияләү өчен савыт-саба юучы җайланма сатып алырга мөмкин. Эксперт сүзләренчә, мондый машина кул белән юуга караганда 43 литрга, хәтта 90 литрга азрак су сарыф итә. Иң мөһиме – аны тулысынча савыт-саба беләң тутырып куярга,кирәк. Шулай ук кер юу машинасы белән дә шулай эшләргә кирәк.
Суны экономияләүнең бишенче ысулы – счетчиклар урнаштыру. Мондый җайланмалар сарыф ителгән су күләмен күрергә генә түгел, ә вакытында агып чыгуны да күрергә ярдәм итәчәк, дигән Бондарь.
чыганак: Татар-информ
Нет комментариев