Ифтарга тәмле ризыклар рецепты

Без сезнең эшне җиңеләйтү өчен, 3 ризык рецепты тәкъдим итәргә булдык! Рәхәтләнеп кулланыгыз, тәмле ризык белән якыннарыгызны да сөендерегез! 

1.Тавык кәтлите

Бу бик җиңел әзерләнә торган ризык.

Кирәк: Ярты килограмм тавык филесы, ике йомырка, ике аш кашыгы каймак, бер суган, бераз он. Шулай ук бераз тоз һәм кара борыч кулланыгыз.

Әзерләү: Суганны вак итеп турагыз. Филены зур булмаган шакмак-шакмак итеп ваклагыз. Суган янына итне салыгыз, тозлагыз һәм болгатыгыз. Массасы консистенциясе буенча куерак булса, бу компонентларга йомырка һәм каймак өстәгез, тагын бер йомырка салыгыз. Он салып, яхшылап болгатыгыз. Котлетларны табага аш кашыгы белән салыгыз. Һәр ягын өч-дүрт минут кыздырыгыз.

2. Яшелчә белән пешерелгән ит

Безгә 800 г ит, 250-300 г шампиньон, 2 кечкенә яки 1 зур татлы борыч, 1 зур суган, 1 кишер, 1 аш кашыгы томат пастасы, бераз укроп, тоз һәм борыч кирәк булачак.

Әзерләү: Итне ваклап турыйбыз һәм үсемлек маенда алтынсу төскә кергәнче кыздырабыз. Иткә калын булмаган ярым боҗралар белән туралган суган салабыз, болгатабыз, су салабыз һәм әзер булганчы сүндерәбез. Борычны, шампиньоннарның яртысын салам итеп кисәбез (гөмбә эре булса – дүрттән бер өлешкә кисәбез, вак булса – тулысынча), угычтан уылган кишерне һәм томат пастасын минималь күләмдә май белән 5 минут кыздырабыз. Иткә өстибез, аннары тагын су салабыз һәм әзер булганчы сүндерәбез. Бер-ике тапкыр болгатырга һәм, кирәк булса, су өстәргә кирәк.

Ахырда туралган укроп сибәбез.

3.Эремчек запеканкасы

Кирәк: Ярты килограмм эремчек, 4 йомырка, 2 аш кашыгы каймак, бер чеметем тоз, 3 аш кашыгы шикәр, бер пакет ваниль шикәре һәм 2 аш кашыгы крахмал.

Әзерләү: Эремчек, йомырка сарысы, шикәр һәм ваниль шикәрен бергә кушыгыз. Бу катнашмага крахмал һәм каймак өстәгез. Бертөрле масса алу өчен барлык компонентларны миксер яки блендер белән болгатыгыз. Йомырка аксымнарын аксым пиклары барлыкка килгәнче аз гына тоз белән болгатыгыз. Эремчек массасына аксымнарны кушыгыз. Камырны атланмай белән майлагыз. Форманы 180-200 градуска кадәр җылытылган духовкага җибәргез һәм 30-40 минут дәвамында пешерегез.

чыганак: islam.ru