Казанда йорт хайваннарына багышланган «ЗООФЕСТ ЭКО» беренче гаилә фестивале узачак

Чарада күргәзмәләр, спорт, мәгариф программасы һәм социаль инициативалар көтелә. Бу хакта оештыручылар хәбәр итә.

«Токымнар аллеясы»нда дистәләгән эт чыгыш ясаячак: кунаклар биглей, такс, француз бульдогы һәм шпицлар тамашасын күрәчәк. Дүрт аяклы дуслар өчен бай программа әзерләнгән – ралли-обидиенс, трейббол, дог-фрисби, фристайл,биюләр, мода күрсәтүләр, һ.б. Мәче хуҗалары фелинологлар һәм питомниклар вәкилләреннән консультация ала алачак. Россиянең кинология оешмалары берлегенең Cacib Татарстан Чемпионаты – төп вакыйгаларның берсе булачак.

Тулырак программа – фестивальнең рәсми сайтында.

«Татар-информ».