«Шәһри Казан» газетасы баш мөхәррире Радик Сабиров вафат.
Ул 2014 елдан 2019 елга кадәр «Идел» журналының баш мөхәррире булып эшләде, журнал эшчәнлегенә үзенең зур өлешен кертте.
Радик Сабиров 1979 елда Татарстанның Аксубай районында туган. Ул Казан дәүләт университетын тәмамлый һәм филология фәннәре кандидаты гыйльми дәрәҗәсен алган. Һөнәри эшчәнлеге елларында Сабиров «Безнең спорт» газетасында, «Мәгариф» журналында һәм «Интертат»та эшләгән. 2014 елда ул «Идел» журналын җитәкләде, ә 2019 елның 20 июненнән «Шәһри Казан» газетасының баш мөхәррире булды.
Редакциябез аның барлык якыннарының кайгысын уртаклаша. Урыны Оҗмахта булсын!
Нет комментариев