Елның иң шәп яшь укытучысы кем булыр? - конкурска гаризалар кабул ителә

Оештыручылар гаризаларны 31 октябрьгә кадәр кабул итә. Республика Рәисе патронажы астында уздырыла торган әлеге конкурс Мәгариф өлкәсендә яшь белгечләргә ярдәм итүгә һәм аларны үстерүгә юнәлдерелгән.

Конкурста 35 яшькә кадәрге, минималь эш стажы ике ел булган һәм фәнни-тикшеренү эшендәге казанышлары булган югары уку йортлары укытучылары катнаша ала. Конкурста җиңүче 500 мең сум күләмендә акчалата приз алачак, шулай ук һөнәри эшчәнлегендә алга таба ярдәм итү өчен республика Рәисе кадрлар резервына да керәчәк.

- Республика Рәисе карары белән иң яхшы укытучыга беренче премия — 500 мең сум. Икенче урында-350 мең сум, өченчедә — 250 мең сум, - диде ТР Рәисе ярдәмчесе, конкурсның эксперт комиссиясе рәисе Альберт Гыйльметдинов.

Экспертлар арасында «Сибур», «Татнефть», «Идея» технопаркы һәм башкалар булачак. Катнашучыларны академик өлкәдән ТР Фәннәр академиясе, ТР Мәгарифне үстерү институты, Татарстанның узган еллардагы иң яхшы укытучылары һәм галимнәре бәяләячәк.

Гариза бирү кампаниясе 1 ноябрьгә кадәр дәвам итәчәк. Гаризалар сылтама буенча кабул ителә. Хәзерге вакытта 100 дән артык укытучы гариза тапшырган.