ИДЕЛ - ИДЕЛЬ журналына – 35: диджитал-детокс кичәгә кил!

5 августа 2024 - 16:30 Автор:

Идел

15 август, 17.00 сәгатьтә, Горки-Әмәт урманында иң көтелгән чараларның берсе була - «Идел» - «Идель» журналы 35 яшьлек туган көнен билгеләп үтә.

Бәйрәм «диджитал-детокс» кичә форматында узачак. Дусларың белән табигатьтә рәхәтләнеп ял итәргә, яраткан музыкаңа биергә, фуршеттан авыз итәргә, фотога төшәргә, файдалы лекторий тыңларга мөмкин булачак.

Юбилей программасында: эшкәртелгән кәгазьдән экооткрыткалар ясау буенча иҗади мастер-класс, «Люди» автопортреты студиясеннән фотозона, лектория Malsi Music һәм Илгиз Шәйхразиевтан диджей-сет, Gauga, Beku, Майкрайз, Al Su чыгышы көтелә.

Шулай ук бәйрәм кунакларына «Ист!» кафесыннан автор эчемлекләре һәм «Түбәтәй» милли ашлар рестораныннан тәмле ризыклар тәкъдим ителәчәк.

«Диджитал-детокс» кичәне Dj Solman белән тәмамлаячакбыз.

Керү – ирекле, алдан теркәлергә кирәк.

«Идел» һәм «Идел» яшьләр журналы 1989 елдан башлап рус һәм татар телләрендә нәшер ителә. Узган ел журналның концепты үзгәрде: хәзер журналлар мәгълүмат чыганагы гына түгел, ә күбрәк яшьләрне берләштерә торган мәйданчык ролен дә үти: урта махсус уку йортлары һәм югары уку йортлары студентлары, шәһәр, район һәм авыл яшьләре, һөнәр ияләре, иҗат кешеләре – барысы да журнал геройлары.

Журналлар интернеттан ял итәргә ярдәм итә, шуңа күрә кичәнең темасы – «диджитал-детокс» – «саф һавада ял итү» сайланды. Бәйрәм Горки-Әмәт урманында – тынычлыкта, табигать белән гармониядә үтәчәк.

Кабатлыйбыз: чарага алдан теркәлергә кирәк. Сылтама:

https://zhurnal-idel.timepad.ru/event/2988301/