«Даһилардан көндəлек киңəшлəр» — əдəби-агарту юнəлешендəге цифрлы проект.
Аның максаты — əдəби мирасны киң җəмəгатьчелек өчен тагын да үтемлерəк итү һəм заманча укучыга якынайту. Проект нигезендə - татар язучыларның 40 цитатасы. Хəзерге вакытта җыентыкта Гомəр Баширов, Гаяз Исхакый, Һади Такташ, Габдулла Тукай, Фəнис Яруллин һəм Аяз Гыйлəҗевның əйтемнəре тəкъдим ителə.
Материалларны əзерлəгəндə көндəлеклəр һəм хатлар файдаланылган. Проект белəн танышу Telegram-бот форматы аша оештырылган. Кулланучы соравы буенча бот очраклы рəвештə цитата язылган карточка тəкъдим итə. Кыска һəм эчтəлекле өзеклəр аша укучы əдəби мирас белəн таныша, əлеге авторның иҗатына кызыксыну уята һəм алга таба эзлəнү өчен юнəлеш ала.
Бот белəн аралашуны дəвам иткəндə кулланучылар түбəндəге материалларны ала алачак:
● язучы турында кыскача мəгълүмат;
● ачык чыганакларда ирекле рəвештə кулланырга мөмкин булган электрон
китаплар архивы;
● аудиокитаплар;
● мөмкинлеклəр булганда башка əдəби һəм белешмə материаллар.
«Даһилардан көндəлек киңəшлəр» проекты цифрлы технологиялəр белəн əдəби мирасны берлəштерə. Ул укучыга язучылар иҗаты белəн танышу, яңа əсəрлəр табу һəм авторларның тирəн мəгънəле фикерлəренə көндəлек тормышта əйлəнеп кайту өчен уңайлы мөмкинлек бирə. «Даһилардан көндəлек киңəшлəр» — əдəбият дөньясына бер цитатадан башлап керү һəм иҗатның киң киңлеклəрен ачу мөмкинлеге. Проект «Живой язык - живая нация» бəйгесе кысаларында гамəлгə ашырыла.
Телеграм-ботка сылтама – монда.
Нет комментариев