Татарстанда җиңеләйтелгән ОГЭ тапшыручы балалар 10 нчы сыйныфка күчә алмаячак
Татарстан мәгариф һәм фән министрлыгының беренче урынбасары Рамис Музипов белдергәнчә, җиңеләйтелгән гомуми дәүләт имтиханын (ОГЭ) тапшыруны сайлаган тугызынчы сыйныф укучылары 40 төрле белгечлек буенча укырга керә алачак.
Эксперимент кысаларына кертелгән һөнәрләр арасында график дизайнер, ветеринар, слесарь, нефть эшкәртү операторы, флорист, фермер, машинист һ.б. һөнәрләр бар.
Рамис Музипов ачыклаганча, әгәр конкрет көллияттә бюджетлы урыннар җитмәсә, укучыга башка уку йорты тәкъдим ителәчәк.
чыганак: Вечерняя Казань
Нет комментариев