30 август Кабан күле буенда «Милли кием» фестивале узачак

30 август көнне Кабан күле буенда «Милли кием» фестивале узачак. «Милли кием» ул — шәһәр һәм Республика көнен үз халкыңның милли киеменнән каршы алу традициясе. 5 ел дәвамында бәйрәмгә 300 меңнән артык кеше килде, аларның 10 меңе традициягә кушылды.

Быел шәһәр халкын күмәкләштерүче күркәм чарага 6 ел. Бәйрәм концепциясе «юл» темасына багышланачак. Казанлыларны һәм шәһәр кунакларын бәйрәмгә стилизацияләнгән милли киемдә килергә һәм фестиваль образының нинди кызыклы юл үтүе турында сөйләргә чакыралар. Костюмның рухи кыйммәтле өлешләре — әби-бабайдан калган әйберләр булырга мөмкин. Милли киемнән килүчеләргә күчтәнәчләр һәм бүләкләр әзерләгәннәр.

Традиция буенча бер көнгә —  12:00дән 22:00гә кадәр — Мәрҗани урамы җәяүлеләр урамына әйләнә. Анда этно-мотивлы эшләнмәләр ярминкәсе һәм төрле кухня ашлары белән фудкорт оештырылачак, Казан җөе һәм милли аксессуарлар ясау буенча остаханәләр узачак, шулай ук, Казанда төрле чорларда яшәгән мода алдынгылары эзләре буенча экскурсия дә оештырылачак. 
Кичке якта фестиваль сәхнәсендә Shanu чуваш төркеме, башкорт башкаручысы Айдар Исхаков, татар R&B артисткасы Elina, күпләр яраткан Казанның «Хор түгәрәге» чыгыш ясаячак. Азактан бәйрәмгә килүчеләр «Әлиф» берләшмәсе һәм MOÑ театр мәйданчыгының TARTAR пластик спектаклен күрә алачак.

Этно-мотивлы эшләнмәләр ярминкәсе

«Милли кием» променадын ярминкәдән башларга тәкъдим итәбез. Монда Татарстан, Башкортстан, Чувашия һәм Төмәннең милли мотивларга нигезләнеп иҗат итүче 15 төрле дизайнеры һәм бренды булачак. Һәркем күңеленә ятышлы уникаль әйбер ала алачак. 

Катнашучылар: iБикә, Rakhim, SULTAN, Maktub Jewel, ХИТРЕ, АЙЫМ, IDEL, УСАЛ МӘЗҺӘП, koverlar, Чия, Matrushke, Uyuy.clo, ТӐНӐҪ, Ostazlar. 

Шулай ук фестиваль кунаклары Казан парклары һәм скверлары дирекциясе һәм Кабан күленең эксклюзив яңа мерчы көтәчәк.

Остаханәләр

12:00дән 18:00гә кадәр фестивальгә килүчеләр остаханәләрдә катнаша ала.

 Чулпы ясау, 10+

12:00, 14:50

qul eşe татар һөнәрләре мәктәбеннән казан җөе буенча остаханә, 12+

12:00, 12:30, 13:00, 13:30, 14:00, 14:30

Букчага элмәк ясау, 10+

13:40, 16:30

YARATAM брендыннан шәхси хушбуй ясау остаханәсе, 10+

15:00, 16:00, 17:00

Остаханәләргә теркәлү тере чират буенча барыр. Әзер эшләнмәне катнашучылар үзләре белән алып китә алачак.

Фудкорт

«Милли кием» кунаклары фудкортта урнашачак «Фильтр» каһвәханәсендә стритфуд ризыклар һәм автор эчемлекләре белән сыйлана алачак. Шулай ук, «Крафтлы чәй» корнерында самавырда кайнатылган хуш исле чәй һәм «Shikәrsez» проектының шикәрсез какларын татып карарга киңәш итәбез.

Экскурсия

Фестиваль кысаларында «Мәдәниятләр киселешендә. Казан модачыларының юлы: традицион костюмнан — чуар киемгә» дип исемләнгән экскурсия узачак. Аны тарихчы, культурология кандидаты, «Татар хатын-кызы дөньясы» проекты авторы, «Тамга» шәһәр тикшеренүләре институтын оештыруда катнашучы Энҗе Дусаева һәм этнолог, тарих фәннәре кандидаты Елена Гущина үткәрәчәк.

Экскурсиядә катнашучылар Кабан күле яр буенда йөриячәк һәм XIX–XX гасырлар чигендә Казан «модниклары» нәрсә кияргә яратканнын беләчәк.

12:00-13:30

Экскурсия Нурулла мәчетеннән башлана.
Катнашу өчен сылтама буенча бушлай теркәлү кирәк.

«Юл» паблик-арты
Бәйрәмгә Кабан күле ярында «Замороженная конина» арт-төркеменнән «Юл» паблик-арты барлыкка киләчәк. Зәңгәр сызык — юл, маршрут, язмыш символы. Юлчы сайлау алдында кала: тәкъдим ителгән маршрут буенча барыргамы, әллә сызыкны күрә торып, каршы барыргамы. «Юл» үзлегеннән юылып бетәчәк — күреп калырга ашык.

Сәхнә

Бәйрәм локаль артистларның музыкаль чыгышы һәм пластик спектакль белән тәмамланачак.

Лайн-ап:

18:00 Elina

Элина Ситдыйкова – профессиональ опера җырчысы, укытучы һәм сонграйтер, үтемле җырлары аша замана татар хатын-кызының тормышы турында сөйли. 

18:40 Shanu

Shanu – чуваш теленнән «ышану» дип тәрҗемә ителә. Этно-джаз уйнаучы әлеге төркем халык материалы белән эшли: оригиналь җырларның асылын саклап, аларны джазлы яңгырашка сала.

19:20 Айдар Исхаков

Айдар Исхаков — яшь башкорт музыканты, композиторы һәм мультиинструменталчысы Айдар үзенең блюз, джаз һәм башкорт көйләрен берләштерүче уникаль стиле белән танылган. 

20:00 Хор түгәрәге

Төрле һөнәр ияләре бергә җыелып, танылган татар җырларын күмәк җырлый, аларга яңа сулыш һәм яңгыраш бирә. 

21:00 TARTAR пластик спектакле

«Әлиф» берләшмәсе һәм MOÑ театр мәйданчыгының Казан биючеләре катнашындагы TARTAR спектакле. Төрле идея, образлар һәм бию техникаларыннан җыелган коллаж-эш. Нурбәк Батулла, Мария һәм Марсель Нуриевлардан гротеск һәм ирония тукымасы.