Татарстанның Буа районы Яңа Чәчкап авылында янгын чыккан, анда 79 яшьлек ир-ат һәм 77 яшьлек хатын-кыз һәлак булган. Уллары ут төрткән дип шикләнәләр.
Шикләнелүче тоткарланган. Вакыйганың барлык шартлары ачыклана.
Тикшерү комитетының Татарстан буенча матбугат хезмәте хәбәр иткәнчә, вакыйга узган төндә булган. Тикшерү версиясе буенча, 51 яшьлек ир-ат, алдан исерек хәлдә булып, әти-әнисе йортындагы бүлмәләргә җиңел янучан сыеклык сипкән һәм ут төрткән. Янгын аркасында йорт хуҗалары — 79 яшьлек ир-ат һәм 77 яшьлек хатын-кыз һәлак булган.
Янгын вакытында шикләнелүченең үзе, хатыны һәм 16 яшьлек оныгы пешкән. Алар Буа үзәк хастаханәсенә озатылган. Тикшерүчеләр «гомумкуркыныч ысул белән кылынган ике кешене үтерү» маддәсе буенча җинаять эше кузгаткан.
Нет комментариев